Ísland hefur haft mikinn meðbyr þegar kemur að ferðamannastraumi til landsins. Hins vegar spá margir í ferðamannaþjónustu hægari fjölgun á næstu árum.
Ein af aðalástæðunum af hægari fjölgun í ferðamannastrauminum er hvað Ísland er orðið dýrt. Raungengi íslensku krónunnar hefur hækkað um tæp 10% eftir 2016 en margir bankar spá að raungengi krónunnar muni halda áfram að styrkjast fram til ársloka 2018. Þetta þýðir að öll afþreying er og verður dýrari og allt bendir til þess að verðlagning sé að hækka.
Í dag er arðsemi ferðamannaiðnaðarins ekki eins mikil af því að ferðamennirnir eyða ekki nógu miklu á Íslandi. Til dæmis fara þeir ekki á dýra veitingastaði sem ferðaþjónustan mælir með, heldur kaupa þeir sér mat í lágvörurverslunum.
Leiguverð á Íslandi hefur verið hækkað og bitnar það jafnt á Íslendingum sem og ferðamönnum. Einnig er framboð á íbúðarhúsnæði takmarkað og útlit fyrir enn meiri þörf á leigumarkaðinum.
Hvað getum við bætt í ferðamannaþjónustunni?
Það eru skiptar skoðanir um hvernig eigi að styrkja ferðamannaþjónustuna, en ef við gerum ekki neitt þá mun ferðamönnum fækka og með tilheyrandi áhrifum á efnahag landsins. Þess vegna vilja stjórnvöld og flestir Íslendingar finna leiðir svo að Ísland geti hagnast á komu ferðamanna.
Stjórnvöld ætla að hækka virðisaukaskattsþrep ferðaþjónustunnar úr 11 prósentum yfir í 24 þann 1. júlí 2018. Ferðaþjónustan tekur ekki vel í þessa breytingu, heldur vill taka gjald fyrir að veita góða aðstöðu fyrir ferðamenn, eins og salernisgjald, bílastæðagjald og fleira.
Náttúrupassi er hugmynd sem mörgum hugnast. Þá myndu þeir ferðamenn sem koma til Íslands, 18 ára og eldri, greiða 1500 krónur fyrir aðgang að helstu náttúruperlum landsins og myndi passinn gilda í 3 ár.
Í dag eru ferðamenn á Íslandi að eyða 200 þúsund krónum að meðaltali. Fyrirtæki í ferðaþjónustu vilja markaðssetja sig fyrir efnameiri ferðamenn sem eyða meiru og fara í fleiri skoðunarferðir. Ef við viljum ýta undir fjölgun ferðamanna til landsins þá þarf mikla uppbyggingu á íbúðarhúsnæði á Íslandi.